АҞӘА, цәыббра 6 — Sputnik. Дмитри Медведев ипресс-маӡаныҟәгаҩыс дҟалоит МИА "Россия сегодня" аредактор хада актәи ихаҭыԥуаҩ Олег Осипов ҳәа аанацҳауеит РИА Новости, Аиҳабыра раппарат анапхгаҩы Константин Чуиченко иажәақәа ҵаҵӷәыс иганы.
"Аԥыза-министр иахь инагоуп МИА "Россия сегодня" аредактор хада актәи ихаҭыԥуаҩ Олег Осипов пресс-маӡаныҟәгаҩыс иҟаларазы адокументқәа анапы рыҵаҩразы", — ҳәа иҳәеит Чуиченко ажурналистцәа данрыҿцәажәоз.
Олег Осипов, 40 лшықәса ихыҵуеит. РИА Новости аҟны аусура далагеит 1999 шықәса рзы, Ломоносов ихьӡ зху ауниверситет (МГУ) даналга ашьҭахь. Аԥхьа аус иуан амаҵзура адипломатиатә редакциаҿы, нас – апрезидентә гәыԥ ахь диасит. 2000-тәи ашықәсқәа раан Владимир Путин иныҟәарақәа рҿы дицын. Еиуеиԥшым жәларбжьаратәи ауснагӡатәқәа АТЕС, "Ааба Ду" уҳәа рсаммитқәа дрыхцәажәон.
2015 шықәса рзы МИА "Россия сегодня" аредактор хада ихаҭыԥуаҩыс дҟалеит. Ианашьоуп: "Орден Дружбы", "Орден за Заслуги перед Отечеством II степени", еиуеиԥшым аҳаҭыртә шәҟәқәа.
