АҞӘА, цәыббра 13– Sputnik. Сальвадор уаанӡатәи ахада Антонио Сака ахашаҽны иус ӡбны акоррупциазы жәа-шықәса иқәырҵеит ҳәа аанацҳауеит РИА Новости.
"Сальвадор уаанӡатәи ахада Антонио Сака ахашаҽны иус ӡбны акоррупциазыи аҳәынҭқарратә ԥара аӡарази жәа-шықәса иқәырҵеит. Иара драԥхьатәиуп акоррупциа иадҳәалоу ацәгьоуразы зус рыӡбхьоу аҳәынҭқарра уаанӡатәи ахадацәа", — ҳәа аҳәоит атәыла апрокуратура аҳәамҭаҿы.
Сака атәыла ахадас дыҟан 2004-2009 шықәсқәа раан.
Ареспублика Ель-Сальвадор Ацентртә Америкаҿ еиҳа ауаа рацәа ахьынхо ҳәынҭқарроуп. Сальвадор ацәгьоурақәа ахьырацәоу тәылоуп ҳәа иазыԥхьаӡаны ауааԥсыра реиҳараҩык абџьар ныҟәыргоит.
