Ҳаџьымба аԥыза-министр ҿыц изкны: аус професионалла дазнеиуеит
Аҩаша, цәыббра 18 рзы Аԥсны ахада Рауль Ҳаџьымба аминистрцәа дыдирдырит аиҳабыра рхада ҿыц Валери Бганба.
"Иахьа ирацәоуп ҳаԥхьа ишьҭоу азҵаарақәа, ҳусура аанкылашьа амаӡам. Сынтәатәи ашықәс иалагӡаны ҩаԥхьа аус адулатәуп аинвест программа, уи азы аурыс гани ҳареи ҳаиқәшәароуп. Хымԥада, аамҭа мгакәа ҳусқәа наҳагӡартә еиԥш аҭагылазаашьа аԥаҳҵароуп. Убри аҟынтәи снапы аҵасыҩҩит ибзианы ижәдыруа ауаҩ Валери Рамшьыхә-иԥа аиҳабыра рхантәаҩыс иҟаҵара. Агәра сгоит абиуџьет иадҳәалоу аума, аинвест программа азҵаарақәа роума профессионалла дшазнеиуа, дшацныҟәо. Иаҭахуп шәыдгылара, шәыцныҟәара, зегь рыла аҳәоуеиқәшәара", — иҳәеит Ҳаџьымба.
