АҞӘА, цәыббра 19 – Sputnik. Ҭырқәтәыла аҳәаанырцә инхо ауааԥсыра рзы атәылауаҩра аиура акыр иармариеит. Абри азы атәыла ахада Таип Ердоган аусԥҟа инапы аҵеиҩит. Аусԥҟа кьыԥхьуп аиҳабыратә ҭыжьымҭа Resmi Gazete аҿы ҳәа аанацҳауеит РИА Новости.
Аусԥҟа инақәыршәаны Ҭырқәтәыла атәылауаҩра аиуразы иумоу акапитал ахәԥса ҩ-миллионк рҟынтәи 500 000 доллар рҟынӡа иларҟәуп, еиҭамҵуа амазара ахәԥсагьы миллион доллар аҟынтәи 250 000 доллар рҟынӡа ахәԥса еиҵатәуп.
Аԥсахра иаҵанакит адепозитқәа рыхәԥса. Ҭырқәтәыла атәылауаҩра уоурц азы ҭырқәтәыла абанкқәа рҿы уаанӡа х-миллион доллар рыхәԥса адепозит узҭазар акәзар, уажәы 500 000 доллар рҟынӡа еиҵатәуп.
Еицырдыруа актер Жерар Депардье, КНДР ашьақәгылара 70-шықәса ахыҵраз аныҳәаәт уснагӡатәқәа раан иҳәеит ҭырқәтәыла атәылауаҩра аиура шиҭаху. Депардье абри азҵаараз Ердоган диҿцәажәараны дыҟоуп жьҭаарамзазы, ҭырқәтәылаҟа инеираан.
