Агәыԥ U.D.O. ашәаҳәаҩ Урыстәыла атәылауаҩра аиура иҭахуп

© Sputnik / Владимир Астапкович / Амедиаҵәахырҭахь аиасраКонцерт группы "U.D.O." в Москве
Концерт группы U.D.O. в Москве - Sputnik Аҧсны
Анапаҵаҩра
НовостиTelegram
2018 шықәса ҭагалан, Удо ДиркшнаидерУрыстәылаҟа даауеит игәыԥ U.D.O., иманы аконцерттә программа ҿыц аӡыргаразы.

АҞӘА, цәыббра 21— Sputnik. Агәыԥ U.D.O. ашьаҭаркҩы, авокалист Удо Диркшнаидер аҳәамҭа ҟаиҵеит Урыстәыла атәылауаҩра аиура мап шацәимкуа ҳәа аанацҳауеит РИА Новости.

U.D.O. Урыстәылатәи агастрольтә тури альбом ҿыц "Steelfactory"аҭыжьреи ирызку апресс-конференциаҿ Диркшнаидер еиҭеиҳәеит агәыԥ 15 инареиҳаны концерт мҩаԥнагараны ишыҟоу еиуеиԥшым Урыстәыла ақалақьқәа рҟны.

Урыстәыла атәылауаҩраз ирҭаз азҵаара аҭак ҟаҵо иара иҳәеит: "Макьаназ уи атәы сыздырам, аха мап ацәыскуам", — ҳәа.

Авокалист иазгәеиҭеит ҩышықәса раԥхьа Санкт-Петербург ауадақәа шааихәаз.

"Ибица сынхоижьҭеит 10 шықәса ҵуеит. Санкт-Петербург ауадақәа аасхәеижьҭеи 2,5 шықәса ҵуеит. Уа аҳауа сгәаԥхоит, аҟазаара бзиа избоит", — иҳәеит Диркшнаидер.

U.D.O. — немец хеви-метал гәыԥуп. Ишьаҭаркуп 1987 шықәса рзы. Агәыԥ иалахәылацәоуп: Удо Диркшнаидер, иԥа, Свен Диркшнаидер, Фитти Винхольд, Андреи Смирнов. Альбом ҿыц "Steelfactory" хыԥхьаӡарала ижәафтәихоит.

Ажәабжьқәа зегьы
0