Аурыс-аԥсуа ҳәаа аҟны агероин ахыгаразы иаанкылаз ахаҵа Шәача дҭаркит

© Sputnik / Томас ТхайцукРабота КПП Псоу
Работа КПП Псоу - Sputnik Аҧсны
Анапаҵаҩра
НовостиTelegram
Аԥсны атәылауаҩ даанкылан 2018 шықәса ԥхынгәымзазы, аурыс-аԥсуа ҳәаа аушьҭырҭатә ҭыԥ "Адлер" аҿы данахысуаз.

АҞӘА, цәыббра 21 – Sputnik. Аурыс-аԥсуа ҳәаа аушьҭырҭатә ҭыԥ "Адлер" аҿы агероин аҳәаа ахыгаразы иаанкылаз ахаҵа Шәача хәышықәсеи бжаки иқәҵаны дҭаркит ҳәа аанацҳауеит "Кубань 24" Краснодартәи атәылаҿацә аҟны Урыстәыла аҳәаахьчаратә усбарҭа апресс-маҵзура адыррақәа ҵаҵӷәыс иганы.

Ахаҵа иҽазишәеит имаҭәақәа ирылаҳәаны аполиетилен иалхыз арҳәырақәа ҩба анаркотик ргәылаҵаны аҳәаа иахигарц. Аҳәаахьчаратә усзуҩцәа амаҭәашьар аексперт-криминалисттә ҟәшахьы инарышьҭит. Аекспертиза излашьақәнаргылаз ала аилаҳәарақәа иргәылаԥсан агероин налаҵан 1,36 грамм иҟаз анаркотикатә маҭәашьарқәа ҩ-хкык.

27-шықәса зхыҵуа ахаҵа ахара идҵаны хәышықәсеи фымзи иқәҵаны аҭакра иқәырҵеит азеиԥш режим аколлониаҿ.

2018 шықәса ԥхынгәымзазы 27 шықәса зхыҵуаз ахаҵа аҳәаа иахысраан гәрамгарҭас дыркит, амаҵзуратә кабинет ахь даннарыԥхьа уи мап ацәикит.

Данеимырда иқалԥад иҭырхит 0,33 грамм анаркотик. Алабораториаҿ уи шметадоныз шьақәдыргылеит.

Ажәабжьқәа зегьы
0