АҞӘА, цәыббра 30 – Sputnik, Асмат Ҵәыџьԥҳа. Аԥсны Аиааиреи Ахьыԥшымреи рымш иазкны москватәи апарк "Красная пресня" аҿы афестиваль "Аԥсны" аатит цәыббра 30 рзы, ҳәа Sputnik акорреспондент илзеиҭалҳәеит Москватәи аԥсуа диаспора ахаҭарнак Инна Барчан.
Аиҿкааҩцәа ишырҳәо ала афестиваль актәи ахәҭаҿы иқәгылоит арҿиаратә коллективқәа.
"Асасцәа рзы иаартуп еиуеиԥшым апавильонқәа. Аҭааҩцәа ирыдгалоуп еиуеиԥшым асувенирқәа. Аус ауеит ахәыҷәы зона, уа ахәыҷқәаасахьа ҭырхуеит. Ахәыҷқәа рзы иаартуп аԥсуа хәмаргақәа рцәыргақәҵа. Лассы ауснагӡатә аҿы аиҳа аинтерес змоу ҳәа иҳаԥхьаӡоу – аԥсуа чара ддырбара ҳалагоит", — лҳәеит Барчан.
Араҟагьы аҭыԥ аиуит "Брехаловка", ҳәа лҳәоит аиҿкааҩ.
""Брехаловкаҿы" акаҳуа дыршуеит, иаԥшуеит. Аҭааҩцәа агәаран иқәгыланы иԥшуп", — лҳәоит Барчан.
Афестиваль аҩбатәи ахәҭаҿы имҩаԥгахоит аиҩызаратә шьапылампылтә хәмарра, идырбахоит "7 новелл" захьӡу, Михаил Лакрба ирҿиамҭақәа рекранизациа.
Аԥсны Аиааиреи Ахьыԥшымреи рымш иазкны Афестиваль "Аԥсны" еиҿыркааит аԥсуа диаспора.
