Аԥкьаҭ асратә турнир "Большая абхазская шляпа" мҩаԥысуеит Гагра

© Sputnik / Саида ЖибаXIV международный теннисный турнир "Большая Абхазская Шляпа" открылся в Гагре
XIV международный теннисный турнир Большая Абхазская Шляпа открылся в Гагре - Sputnik Аҧсны
Анапаҵаҩра
17-тәи, жәларбжьаратәи аԥкьаҭ асратә турнир "Большая абхазская шляпа" мҩаԥысуеит Гагра.

Саида Жьиԥҳа, Sputnik

17 шықәса раахыс, Гагратәи аԥкьаҭ асратә дәаҟны имҩаԥысуеит, жәларбжьаратәи атурнир "Большая абхазская шляпа". Уи аиҿкааҩ хадас дамоуп Урыстәылатәи Аҳәынҭқарратә Дума адепутат, ауаажәларратә усзуҩ Константин Затулин.

Иара иажәақәа рыла, традицианы иаԥырҵеит, есышықәса Аиааира амш аҳаҭыр азы амҩаԥгара.

Сынтәа атурнир иалахәуп Москвеи, Шәачеи, Севастополи, Толиаттии, Ростови, Камчаткеи уҳәа рҟнытә 46-ҩык аԥкьаҭтә спорт абзиабаҩцәа. Урҭ рхыԥхьаӡараҿы иҟоуп ԥшьҩык аԥырыҩцәа-акосмонавтцәа, Жәлар рартистцәа, адепутатцәа, иара убас Аԥснытәи аԥкьаҭ асцәагьы.

Теннисные корты - Sputnik Аҧсны
Ҷыдала аимператор изы: Гагратәи аԥкьаҭ асратә дәы аҭоурых

"Ари атурнир Урыстәылагьы имҩаԥаҳгартә еиԥш алшара ҳамоуп, аха ҳара бзиа иаҳбо Аԥсны ԥшӡа ҳаԥсахуам. 17 шықәса раԥхьа, Владислав Арӡынба ихаан зышьаҭа аркыз ақьабз иацҵо иааҳгоит. Иҭабуп ҳәа расҳәар сҭахуп, адгылара азҭо зегьы, Аԥсны ахадара раԥхьа иргыланы. Игәашәҭазаргьы ҟалап, иԥсамхкәа атурнир алозунггьы "Россия, Абхазия две страны, один народ" ашықәсқәа иргәылсны ишаауа", — ҳәа азгәеиҭеит атурнир аиҿкааҩ.

Константин Затулин иажәақәа рыла, атурнир аиҿкааҩцәа иреиуоуп Урыстәылатәи аԥкьаҭ асратә клуб "Большая шляпа", аԥырыҩцәеи-акосмонавтцәеи рыԥкьаҭ асратә клуб, иара дызхагылоу СНГ атәылақәа ринститут. Есышықәса атурнир агеографиа аҽшарҭбаауа.

Аполитик аҭагылазаашьа ихы иархәаны, аԥсуа жәлар Аиааира 25 шықәса ахыҵра рыдиныҳәалеит. Ирзеиӷьеишьеит атәыла хәыҷы шәҭыкакаҷларц.

Аԥсны аԥкьаҭ асразы Афедерациа ахада Ҭамаз Абӷаџьаа иҳаилиркааит, Гагратәи аԥкьаҭ асратә дәы еиднакылаз ари аспорт хкы абзиабаҩцәа рыбжьара ишииз аиҩызара. Уи аҵак ду амоуп аҩ-ҳәынҭқаррак ԥхьаҟатәи реизыҟазаашьақәа рырӷәӷәаразы, избанзар атурнир "Большая абхазская шляпа" иалахәу ҳаҭыр змоу, зажәа акраҵанакуа аурыс ҳәынҭқарра амаҵ азызуа роуп.

Ажәабжьқәа зегьы
0