Амилаҭҭә ҭоурых иагәылаҵәаху: Габниаԥҳа ала аҭыԥ аԥсуа мифологиаҿы
"Ала аԥсуаа рмифологиаҿы, зегь реиҳа ихадоу аперсонажқәа иреиоуп. Ала иҟалаша здыруаз, ауаҩы нарцәыцҳа дықәызго, ахаҭа аныԥсуа мҩашьарада зцәа ианыруа, ауаҩы изааигәоу, акырӡа иразу, зыбыз ахәразы ихәшәу акәны аԥсуаа ахәаԥшуеит. Аԥсуа жәабжьқәа, амифқәа рҿы ирацәоуп алеи ауаҩи реизыҟазаашьа атәы зҳәо. Аԥсуаа ала иахәаԥшуеит ауаҩы изы зхы иамеигӡо, иззаигәоу ак акәны", — ҳәа еиҭалҳәеит Габниаԥҳа.
