АҞӘА, жьҭаара 12– Sputnik. Шьамтәылатәи апарламент Аԥсни Шьамтәылеи рнапы зҵарҩыз аиҩызареи аусеицуреи рзы Аиқәшаҳаҭра аратификациа азыруит ҳәа аанацҳауеит РИА Новости, Шьамтәылатәи апарламент апресс-маҵзура адыррақәа ҵаҵӷәыс иганы.
"Шьамтәылатәи апарламент адепутатцәа Аԥсни Шьамтәылеи рнапы зҵарҩыз аиҩызареи аусеицуреи рзы Аиқәшаҳаҭра аратификациа азыруит", — ҳәа аҳәоит Facebook адаҟьаҿы.
Цәыббрамзазы Рауль Ҳаџьымба официалтә ныҟәарала Шьамтәылаҟа дцеит. Дамаск, Ажәлар Рхан аҿаԥхьа имҩаԥысит Аԥсны Аҳәынҭқарра Ахадеи Шьамтәылатәи Арабтә республика Ахадеи реиԥылара ацеремониа. Абри ашьҭахь имҩаԥысит Аԥсны Аҳәынҭқарреи Шьамтәылатәи Арабтә республикеи рыбжьара аиҩызареи аусеицуреи рзы Аиқәшаҳаҭра анапаҵаҩра.
Иара убасгьы аекономикеи, ахəаахəҭреи, аҭҵаарадырреи, атехникатəи, акультуратəи усеицуразы Шьамтәылеи Аҧсныи еицырзеиҧшу Аилак аҧҵаразы аиҳабырабжьаратə Еиқəшаҳаҭреи ахəаахəҭреи аекономикатə усеицуреи русхк аҟны ацхыраара аҳəаақəҵареи рзы аиҳабырабжьаратə Еиқəшаҳаҭреи рзы аиқәшаҳаҭрақәа анапы рыҵаҩын.
