АҞӘА, жьҭаара 17– Sputnik, Бадраҟ Аҩӡба. Аԥснытәи аспортсмен, автомашьынақәа рыла аиԥхныҩлара алахәыла Дмитри Гәазаа Урыстәыла Ахраҿа Mitjet ахәбатәи аетап аихшьаалақәа рыла заанаҵы Ахраҿа игар ҟалоит.
"Зегь маншәалахап ҳәа ҳгәыӷуеит. Иахьа Шәачаҟа амҩа ҳақәлоит. Уаҵәы аҽазыҟаҵарақәа мҩаԥаагоит. Сгәыӷуеит заанаҵы Ахраҿа агара сылшап ҳәа", — ҳәа иҳәоит Дмитри Гәазаа.
Аиԥхныҩлара шьақәгылоуп 20 минуҭ аамҭеи, адистанциа знык акәшареи рыла. Иахьатәи аамҭазы Дмитри Урыстәыла Ахраҿа аетап аҿы даԥхьагылоуп. Иара уаанӡатәи аԥшь-етапк рҿы даиааихьеит.
"Зынӡа ф-етапк ҟалоит". Ахәбатәи аетап аҿы аиааира згар, афбатәи сахымсыргьы ҟалоит, — иҳәеит иара.
Азшьақәа рыла, аҩбатәи аҭыԥ ааникылоит Антон Немкин.
Mitjet 2L иахьазы аларҵәара ду амоуп Франциа, Италиа, Германиа, Урыстәыла, Америка. Иалахәуп 40 машьына. Асериа Mitjet – шьаҭаиркит афранцыз Жан-Филипп Даиро 2012 шықәса рзы.
Урыстәыла асериа Mitjet промоутерс иамоуп аилахәыра Arctic Energy.
