АҞӘА, жьҭаара 17— Sputnik. Ҟрым ахада Сергеи Аксионов аҳәамҭа ҟаиҵеит аергион аԥыза-министр ихаҭыԥуаҩ Витали Нахлупин Москва азинхьчаратә усбарҭақәа дшааныркылаз азы ҳәа аанацҳауеит РИА Новости.
"Аԥыза-министр ихаҭыԥуаҩ Витали Нахлупин Москва азинхьчаратә усбарҭақәа дааныркылеит. Уажәазы аусҭҵаарақәа мҩаԥысуеит. Аусҭҵаарақәа мҩаԥысуеит маҵзурауаақәаки еилазаарақәаки рганахь ала. Арахь иаҵанакуеит: амҩатә нхамҩа аҳәынҭқарратә еилакы, автомабилтә мҩақәа рмаҵзура, анаплакқәа "Крымэнерго", "Крымгазсети", — ҳәа иҩуеит Аксионов Facebook аҿы.
Иара иазгәеиҭеит арегион анапхгара азинмчратә усбарҭақәа иахәҭаны иҟоу адокументқәа зегь рыла ишеиқәдыршәо, аинформациа шрырҭо.
"Ҳара аиаша аарԥшра ҳҭахуп", — ҳәа азгәеиҭоит Аксенов.
