АҞӘА, жьҭаара 19 — Sputnik. Еиду Америкатә штатқәа Македониатәи аоппозициа ирыҵарҳәоит атәыла НАТО алалара хацдыркырц ҳәа аанацҳауеит РИА Новости Урыстәыла Адәныҟатәи аусқәа рминистрра адыррақәа ҵаҵӷәыс иҟаҵаны.
"Аоппозициатә депутатцәа "аҭоурыхтә лшара ду шәымоуп" ҳәа рыҵарҳәоит аокеаннырцәынтә, иҟарҵо алхрагьы ахәшьара ду шаиуа рарҳәоит. Убас, ЕАШ аҳәынҭмаӡаныҟәгаҩ ихаҭыԥуаҩ Уесс Митчелл македониатәи аоппозициа аԥхьагыла Х. Мицкоском изиҩыз ашәҟәаҿы ԥхашьарак ҟамҵаӡакәа ихы шымҩаԥигаша иеиҳәоит", — ҳәа аҳәоит аусбарҭа иҟанаҵо ахҳәаа.
Уаанӡа Европеи Евразиеи русқәа рзы ЕАШ аҳәынҭмаӡаныҟәгаҩ ихаҭыԥуаҩ Уесс Митчелл аҳәамҭа ҟаиҵахьан Македониа аоппозициатә партиа ВМРО-ДПМНЕ атәыла НАТО алалара алзыршоз ахьӡԥсахра иахьадымгылаз оумашәа ишибо.
ЕАШ Македониатәи аоппозициа ирыҵарҳәоит атәыла НАТО алалара хацдыркырц ҳәа аанацҳауеит Урыстәыла Адәныҟатәи аусқәа рминистрра.
