Sputnik. Агәаанагара: Урыстәыла аганахь иҟоу аинформациа обиективым ҳәа иршьоит Мраҭашәара

© Sputnik / Игорь Руссак / Амедиаҵәахырҭахь аиасраСлоган Telling the untold на студии международного информационного агентства и радио Sputnik.
Слоган Telling the untold на студии международного информационного агентства и радио Sputnik. - Sputnik Аҧсны
Анапаҵаҩра
Франциатәи асоциологиатә еилахәыра IFop жәларбжьаратәи аинформациатә маҵзуреи арадиои Sputnik азы Европа атәылақәеи Америкеи рҿы имҩаԥнагеит азҵаара-ҭҵаара: "Шәтәылақәа рҿы АИХқәа Урыстәыла аӡбахә обиективла иалацәажәома?" ҳәа атема ала.

АҞӘА, жьҭаара 23 –Sputnik апресс-маҵзура. Бжьаратәла Мраҭашәаратәи атәылақәа руааԥсыра реиҳараҩык дара рҟны аус зуа амасстә-информациатә хархәагақәа Урыстәыла аганахь ала иобиективым ҳәа иазырыԥхьаӡоит. Абри атәы шьақәнарӷәӷәоит Sputnik.Агәаанагарақәа имҩаԥнагаз азҵаара-ҭҵаарақәа.

© Sputnik , Леон ГәыниаОпрос абх
Опрос абх - Sputnik Аҧсны
Опрос абх

Аинформациатә маҵзуреи арадиои Sputnik аҿаҵаҟаҵарала 2018 шықәса, нанҳәа 9 — 20 рзы имҩаԥгаз аҭҵаарақәа инарықәыршәаны, 53% афранцузцәа, 50% анемццәа, 47% британиаа, 43% америкаа ртәылақәа рҿы АИХ Урыстәыла ахьӡ дырцәгьоит. Абри азҵаараҿы амассатә-информациатә хархәагақәа ирҳәо иадгылоит 25% Франциа ауааԥсыра, 33% Британиа ауааԥсыра, 39% граждан Германиеи Америкеи руааԥсыра.

Аинтерес аҵоуп иқәыԥшу афранцызцәеи анемеццәеи аиҳабыратә абиԥара раасҭа АИХ Урыстәылазы ирҳәо иашам ҳәа иахьыршьо: Франциа асеиԥш агәаанагара рымоуп 58% респондент (35 шықәса рҟынӡа зхыҵуа), 51% Германиа. Америкеи Британиеи ракәзар аиҳабыратә абиԥара роуп асеиԥш агәаанагара змоу: 35 шықәса иреиҳау 46% америкаа асеиԥш агәаанагара рымоуп, 34% уи иаҿагылоит, Британиа 51% адгылоит, 38% аҿагылоит.

Азҵаара-ҭҵаара мҩаԥгоуп нанҳәа 9 — 20 рзы. Имҩаԥнагеит афранцыз еилахәыра— IFop. Иара иалахәын 18 шықәса иреиҳабу 4033-ҩык респондент.

Ауаа алыркаауеит рышықәс, рхаҵара/рыԥҳәысра, рынхарҭаҭыԥ рыла. Атәыла иахьаҵанакуа адыррақәа риашамра 3,1% артәоит.

Брифинг официального представителя МИД России М.В.Захаровой - Sputnik Аҧсны
Захарова: ателеканал RT адыркыр Британиатәи АИХ-қәа Урыстәыла русура аанкылахоит

Sputnik – иналукааша жәларбжьаратәи АИХ, 32 бызшәа рыла иҟоу аинтернет-саитқәа еидызкыло, амультимедиитә информациатә хабқәа зманы, жәабала атәылақәа рыҟны иҟоу жәабжьтә маҵзуроуп, арадио ефиргьы амоуп. Sputnik ахь иаҵанакуеит 30 рҟынӡа асаитқәа, аналогтәи, ацифратәи радиодырраҭарақәа, амобилтә хархәагақәеи асоциалтә ҳақәа рыҟны адаҟьақәеи. Ажәабжьқәа уахи-ҽни иҭыҵуеит англыз, араб, аиспан, акитаи бызшәақәа рыла. Sputnik аудиториа 50 миллионҩык рҟынӡа инаӡоит, Sputnik China аккаунт анапаҵаҩцәа 9 миллионҩык рҟынӡа ыҟоуп. Пекин инаркны Монтевидео аҟынӡа аредакциақәа рҿы аус руеит зықьҩыла еиуеиԥшым амилаҭ ирыҵаркуа ауаа. Sputnik амедиогәыԥ "Россия сегодня" иаҵанакуеит. Sputnik аофис хада Москва аус ауеит.

Ауаажәлар ргәаанагара аилкааразы жәларбжьаратәи апроект аусура иалагеит 2015 шықәса, ажьырныҳәамзазы. Апроект ацхырааҩс иқәгылеит аҭҵааратә компаниақәа Populus, Forsa, iFop. Апроект "Sputnik. Агәаанагара" аҳәаақәа ирҭагӡаны еиуеиԥшым аҵк ҷыда змоу асоциалтә, аполитикатә зҵаарақәа ирызкны лассы-лассы ауаажәлар ргәаанагара аилкааразы аҭҵаарақәа мҩаԥнагоит.

Ажәабжьқәа зегьы
0