АҞӘА, жьҭаара 23 — Sputnik. Америка ахада Дональд Трамп аҳәамҭа ҟаиҵет егьырҭ атәылақәа рҿы бзиа дзырымбо "абаџь ахьыдиршәо" азы ауп ҳәа. Абри атәы аанацҳаит РИА Новости.
"Амассатә-информациатә хархәагақәа еиҭарҳәоит аҵыхәтәантәи среитингқәа акыр илаҟәит ҳәа. Ииашоуп. Илаҟәит, избанзар аҵыхәтәантәи 50 шықәса рыҩныҵҟа сара Америка абизнес амҩаԥгаразы аԥара дсыршәо салагеит. Сзыргәаԥхарызеи?" — ҳәа иҩуеит Трамп Twitter аҿы.
Уаанӡа, рашәарамза акы инаркны Америка ахәаахәҭратә баџьқәа аланагалеит аҭуџьи (25 процент) алиуминии (10 процент) рганахь ала Австралиа, Аргентина, Бразилиа, Аладатәи Кореиа рыда егьырҭ атәылақәа зегь аҵаркны.
Убри аан Трамп 1962 шықәсазтәи ахәаахәҭра арҭбааразы азакәан ахәҭаҷ 232 азхьаԥшра аиҭоит. Уи ахәҭаҷ инақәыршәаны атәыла ахада азин имоуп аҳәаанырцәтәи аҳәынҭқаррақәа рганахь ала ахәаахәҭратә ԥкрақәа раԥҵара, уи атәыла амилаҭтә шәарҭадара аинтересқәа ирықәшәо иҟазар.
