АҞӘА, жьҭаара 25– Sputnik. Анаркотик маҭәашьарақәа рыҭираз изышьҭаз ауаҩы аурыс-аԥсуа ҳәааҿ даанкылоуп ҳәа аанацҳауеит Урыстәыла Афедералтә шәарҭадаратә маҵзура апресс-маҵзураҿы.
Ахаҵа даанкылан аушьҭырҭатә ҭыԥ "Адлер" данахысуаз.
"Иеилкаахеит ахаҵа 2017 шықәса рзы Адыгатәыла анаркотикатә маҭәашьарқәа раахәара-рыҭира инапы ахьалакыз азы Афедералтә шьҭазаара иман аха иара усҟантәи аамҭазы дыбналаны иҽиҵәахит", — ҳәа аҳәоит адырраҭараҿы.
Аҳәаахьчаратә маҵзура аусзуҩцәа ахаҵа Шәачатәи аполициа дрырҭеит ԥхьаҟа иус аҭҵааразы.
