"Коӷониаԥҳа лымҩаду": Џьынџьалԥҳа аԥсуа бызшәа иазкны
"Ахәыҷқәа абызшәа рзымдыркәа аԥсуа школ ахь инарышьҭуеит. Уа даҽа программак ыҟоуп, абызшәа здыруа рзы. Ҳаибажьозшәа иҟалеит, аԥсшәа рҵоит, ашкол иалгоит, аха абызшәала изымцәажәаӡеит. Иагьаџьара иҳархаргьы абри абызшәатә уадаҩрақәа ҳанрылацәажәо, азыҟаҵаратә процесс, арҵагатә методикақәа ирыдаҳхәалар акәхоит.
Иахьа убас иҟоуп дарбанзаалакгьы аԥсшәа изымдыруазар Аԥсны иахьиԥырхагоу ҳәа акгьы ыҟам. Уи ахдырра аҟынтәи иаауазароуп, аҭаацәараҟны ишьақәгылазароуп. Аха иара ахдыррагьы шьҭызхуа ҳәа хыхьла иааиуазароуп, амотивациа ҟалароуп, ҳаҭыр ақәлароуп, абызшәа ззымдыруа, аԥынгылақәа роуазароуп", — ҳәа азгәалҭеит Џьынџьалԥҳа.
