АҞӘА, жьҭаара 29— Sputnik. ЕАШ зхадараҿы иҟоу жәларбжьаратәи акоалициа аҽазныкгьы аиланхарҭа ас-Суса (апровинциа Деир-ез-Зор) абомбақәа аларыжьит. Аҭынч уааԥсыра рыгәҭа иҟоуп иҭахази ахәрақәа заузи. Абри атәы аанацҳауеит РИА Новости шьамтәылатәи ателехәаԥшра адыррақәа ҵаҵӷәыс иганы.
Иҟоу адыррақәа рыла иҟоуп иҭахеит хәҩык ауааԥсыра.
Акоалициа ракәзар ажәылара ззырхаз атеррористтә гәыԥ "Исламское государство" аибашьцәа роуп.
Уаанӡа, жьҭаара 18 рзы, ЕАШ зхадараҿы иҟоу акоалициа Шьамтәыла апровинциа Деир-ез-Зор ақыҭа ас-Суса аҭынч уааԥсыра рынхарҭақәа ирылахысуан ҳәа аанацҳахьан РИА Новости.
Шьамтәыла иҟоу еиӷацәоу аганқәа реиныршәаразы урыстәылатәи Ацентр анапхгаҩы Владимир Савченко аҳәамҭа ҟаиҵеит акоалициа рҽахьыдмырҵысуаз иахҟьаны атеррористцәа Евфрат аԥшаҳәа иахьаҵанакуа 20 километра рнапахьы иааргеит ҳәа.
