Палестина ацентртә Хеилак Израиль азхаҵара мап ацәнакит

© Sputnik / Евгений Одиноков / Амедиаҵәахырҭахь аиасраФлаг Израиля
Флаг Израиля - Sputnik Аҧсны
Анапаҵаҩра
НовостиTelegram
Уаанӡатәи адыррақәа рыла, Палестинатәи амилаҭтә напхгара аиҳабы Махмуд Аббас Израиль аԥыза-министр Биниамин Нетаниаху диԥымлацт.

АҞӘА, жьҭаара 30 — Sputnik. Палестинатәи ацентртә Хеилак ааԥхьара ҟанаҵеит Израиль азхаҵара аанкылазарц, Израиль Палестина 1967 шықәсазтәи аҳәаақәа инарықәыршәаны иазханаҵаанӡа. Абри атәы аанацҳауеит РИА Новости.

Ракетный удар по Сирии. Архивное фото - Sputnik Аҧсны
Шьамтәыла Израиль имҩаԥнагаз ажәылара аԥнарҟәҟәааит

Палестина анапхгараҭаратә органқәа изныкымкәа абри аҩыза аӡбра рыдыркылахьан, аха уи анагӡара знапы иану Палестина ахада Махмуд Аббас иоуп.

"Израиль аиқәшаҳаҭрақәа анап рыҵаҩра мап ахьацәнакуа иахҟьаны Палестинатәи ацентртә Хеилак иаԥхьаӡоит аиҭасратә етап аусура аанкылоуп ҳәа, Израиль Палестина 1967 шықәсазтәи аҳәаақәа инарықәыршәаны, аҳҭнықалақьны Мрагыларатәи Иерусалим аманы иазханаҵаанӡа", — ҳәа аҳәоит аҳәамҭаҿы.

Абри аамҭазы иаанкылахоит ашәарҭадара аусхк аҟны аусеицура, аекономикатә еиуршәалара.

Палестинатәи ацентртә Хеилак Палестина ахақәиҭтәра Аиҿкаара аусбарҭақәа ируакуп. 2013 шықәса ажьырныҳәамзазы аиҿкаара Ахеилак ианаҭеит Палестинатәи автономиа аиҳабыреи апарламенти рзинмчрақәа.

Ажәабжьқәа зегьы
0