Ахәыҷтәы ансамбль "Абжьыуаа" афестиваль "Богатство России" иалахәхоит

© Sputnik / Томас ТхайцукДетская студия ансамбля "Абжьыуаа"
Детская студия ансамбля Абжьыуаа - Sputnik Аҧсны
Анапаҵаҩра
НовостиTelegram
Аԥсуа, аубых, ашьхаруа кәашарақәа нанагӡараны иҟоуп ахәыҷтәы ансамбль "Абжьыуаа" афестиваль "Богатство России" аҟны. Жәларбжьаратәи афестиваль мҩаԥгахоит Пиатигорск ақалақь аҿы.

АҞӘА, абҵара 1– Sputnik, Бадри Есиава. Очамчыратәи ахәыҷтәы ансамбль "Абжьыуаа" афестиваль-конкурс "Богатство России" аҟны иқәгылараны иҟоуп. Афестиваль мҩаԥысуеит Пиатигорск, абҵара 3 рзы ҳәа Sputnik иазеиҭалҳәеит Очамчыра араион акультура аҟәша аиҳабы ихаҭыԥуаҩ Амра Булескериа.

Афестиваль "Богатство России" аҟны ахәыҷтәы ансамбль "Абжьыуаа" аԥсуа, аубых, ашьхаруа кәашарақәа нанагӡараны иҟоуп.

"28-ҩык ахәыҷқәа афестиваль ахь ицеит ансамбль анапхгаҩы Ҭимур Ҭыҩба дрыцны. Араион ахадара урҭ транспортла еиқәнаршәеит, ахәыҷқәа уа рынхареи рыкрыфарачареи аҭаацәа ирыдуп", — лҳәеит Булескериа.

Афестиваль-конкурс "Богатство России" хынтәуп имҩаԥысуеижьҭеи. Иарахьы иаҵанакуеит аноминациақәа: ахореографиа, авокал, атеатртә ҟазара.

Ансамбль "Абжьыуаа" иалахәуп 80-ҩык акәашаҩцәа. Аҽазыҟаҵарақәа мҩаԥысуеит х-гәыԥкны, мчыбжьык ахь ԥшьынтә.

Ажәабжьқәа зегьы
0