Аҟәатәи аколлеџь аҿы ирбеит Аԥсны жәлар рџьынџьтәылатә еибашьразтәи аснариад

© Фото : Facebook/МЧС АбхазииМашина МЧС Абхазии у здания Сухумского индустриального колледжа из которого извлекли снаряд БМ-2 артиллеристской установки "Град" времен Отечественной войны 1992-93 годов
Машина МЧС Абхазии у здания Сухумского индустриального колледжа из которого извлекли снаряд БМ-2 артиллеристской установки Град времен Отечественной войны 1992-93 годов - Sputnik Аҧсны
Анапаҵаҩра
Аԥсны АҶА асаперцәа артилериатә шьақәгыла "Град" аснариад аколлеџь аҵакыра иҭыргеит.

АҞӘА, абҵара 1 – Sputnik, Сариа Кәарацхьелиаԥҳа. Аԥсны жәлар рџьынџьтәылатә еибашьразтәи артилериатә шьақәгыла "Град" аснариад аколлеџь ашҭаҿы ирбеит ҳәа Sputnik акорреспондент илзаалыцҳаит аколлеџь адиректор.

"Аколлеџь ашҭаҿы ацемент, ақьырмыт еиқәыжьын. Иаҳрыцқьарц ҳаҿын. Аусурақәа ҳрылгоны ҳҩызцәа аӡәы аснариад илаԥш ақәшәеит. Иара аколлеџь афундамент иалан. АҶА аусзуҩцәа ҳрыԥхьеит. Дара абри аан иахәҭоу ахархәагақәа рыманы иааиит. Аснариад ыҵхны аколлеџь ашҭа иҭыган иргеит", — лҳәеит аколлеџь адиректор Светлана Габлиаԥҳа.

Светлана Габлиаԥҳа лажәақәа рыла аибашьраан абри ахыбраҿы ақырҭцәа рыштаб ыҟан.

"Аснариад каҳаит, аха иԥымжәеит. Уаанӡа иахьаҳамбацыз уамашәа иубартә иҟоуп. Уа агәам-сам рацәа еиқәыжьын аха иаргьы хәыҷык акәмызт. Анцәа иџьшьаны ахәыҷқәа ирԥыхьамшәеит", — лҳәеит лара.

Аколлеџь иахьаҵанакуа игылоуп аҽа ҩ-хыбрак, арыцқьара зҭахны иҟоу. Уажәы урҭгьы гәарҭараны иҟоуп, аԥжәаратә маҭәашьарқәа рыҟазаара ашьақәыргыларазы.

Ажәабжьқәа зегьы
0