АҞӘА, абҵара 1 – Sputnik. Аԥхынтәи аамҭа иалагӡаны Аԥсны иҟоу Аладатәи арратә округ аррамаҵзурауаа 600 рҟынӡа ахысразы аҽазыҟаҵарақәа мҩаԥыргеит ҳәа аанацҳауеит аокруг апресс-маҵзура.
Ҵыԥхтәи ашықәс иаҿырԥшны уахәаԥшуазар сынтәа аҽазыҟаҵарақәа рхыԥхьаӡара 7 процентк рыла еиҳауп. Ахысраан ахархәара рыҭан ҳаамҭазтәи акәлаӡтәы техника БТР-82АМ атанкқәа Т-72Б3, ареактивтә систмақәа "Град", 122-мм иҟоу аминометқәа, артиллериатә гаубицақәа Д-30.
Аррамаҵзурауаа аҽазыҟаҵарақәа реиҳара мҩаԥыргон ашьхареи амшынԥшаҳәеи ирыԥну аҵакырақәа рҿы. Аҽазыҟаҵарақәа мҩаԥыргон аполигонқәа "Ҵабал", "Нагвалоу", "Гәдоуҭа" (Аԥсны), Краснодартәи, Астрахантәи, Волгоградтәи аобластқәа рҟны (Урыстәыла).
Аҽазыҟаҵарақәа раан имҩаԥыргон ахысрақәа, арратә техника рныҟәцара.
Иааидкыланы аԥхынтәи аҵара-ҽазыҟаҵарақәа ирылахәын 3 000-ҩык инареиҳаны аррамаҵзурауааи 700 цыра инареиҳаны арратә техникеи.
