"Акәыкәба аҟәшәарагьы бзиа ишызбогьы афара сгәы азҭам. Аԥсҭазаараҿы ус иҟоу ауаа рхыԥхьаӡара маҷӡам, иаҳҳәап аԥсыӡ акра бзиа избо рацәаҩуп, аха зҽахьы иназымгогьы иҟоуп. Акәыкәбаа аҟәшәара саиршьцылеит Москва аҵара сыцызҵоз сҩызак. Даара бзиа ибон акәыкәбаа иалхны афатә аҟаҵара. Иареи сареи уадак ҳаицыҩнан, ишаашалак схыза аасықәхны сиргылон, абыржәоуп зегьы иреиӷьу акәыкәбаа аныҟалаз ҳәа. Иара зны акәыкәба аџьымшьи акартофель алеиџьуан, зны ахҷаҭ алаҵаны ижәуан, адаҽазных, ажәытәан аԥсуаа, ахәыл дмырҵәуаз, убас ахәысхәа аџьыш аҭаны ирҵәуан, иара инапала иҟаиҵон зегьы, аха зегьы акоуп, сыԥхашьаны исымфозар, бзиа избом", — ҳәа азгәеиҭеит Ҷаниа.
Аиҿцәажәара инарҭбаан шәазыӡырҩыр ҟалоит арадио Sputnik Аԥсны ишиашоу ицо аефир аҟны, асааҭ 18:00 рзы.
