АҞӘА, абҵара 2— Sputnik. Донецктәи жәлар Рреспублика аҳауаҽацәыхьчаратә мчрақәа ииасыз амчыбжь азы аԥырҩы дызҭам украинатәи аԥрыгақәа хәба карыжьит ҳәа иҳәеит ДЖәР аоперативтә напхгара акомандаҟаҵаҩ ихаҭыԥуаҩ Едуард Басурин, ҳәа аанацҳауеит РИА Новости.
"Донецктәи жәлар Рреспублика аҳауаҽацәыхьчаратә мчрақәа ииасыз амчыбжь азы аԥырҩы дызҭам украинатәи аԥрыгақәа 15 рҵакыра ахыԥраара азгәарҭеит. Урҭ рҟынтәи хәба карыжьит" ҳәа", — иҳәеит ДЖәР аоперативтә напхгара акомандаҟаҵаҩ ихаҭыԥуаҩ Едуард Басурин.
Басурин иазгәеиҭеит аԥрыга аппаратқәа амцаркыга џьаԥҳанала ишеибыҭаз. Ареспублика арратә експертцәа ргәаанагарала дара ззырхаз аграждантә инфраструктура акәын, избанзар ртехникатә ҭагылазаашьала урҭ арратә обиектқәа ԥырхага рырҭартә амчра рымамызт.
Украина амчрақәа 2014 шықәса рзы арратә операциа Донецктәи жәлар рреспубликеи Лугансктәи жәлар рреспубликеи рганахь ала. Арҭ ареспубликақәа Украина аиҳабыра анахырҳәа ашьҭахь ахьыԥшымра рыларҳәеит. ООН адыррақәа рыла аимак иахҟьаны иҭахахьеит 10 000-ҩык рҟынӡа ауааԥсыра.
