АҞӘА, абҵара 13 – Sputnik, Бадри Есиава. Аԥснытәи ақәԥаҩцәа қәыԥшцәа Калининградтәи аобласти Санкт-Петербургтәи акомандақәа ирылахәны азеиԥшкомандатә зшьала актәии ахԥатәии аҭыԥқәа ааныркылеит ҳәа Sputnik иазеиҭеиҳәеит разыҟаҵаҩ Ҭимур Џьопуа.
Џьопуа иҳәеит Аҟәатәи аспортсменцәа Размик Алабиан, Даниил Харчлаа, Ричи Сыҷынаа Калининградтәи аобласт акоманда иалахәын, аишьцәа Беслани Баграти Багаҭелиаа Санкт-Петербургтәи акоманда иалахәны иқәгылон ҳәа.
"Зых иақәиҭу ақәԥаразы атурнир аҿы ҳаспортсменцәа азхьаԥшра рырҭеит, Аолимпиатә резервтә школ ахь инарыԥхьеит", — иҳәеит Џьопуа.
Атурнир иалахәын Урыстәыла, Венгриа, Белоруссиа, Латвиа, Узбекистан, Кыргызстан ркомандақәа.
