АҞӘА, абҵара 13– Sputnik. "Роскосмос" иазыԥхьагәанаҭоит акосмос аҿы аобиект 500 километра рҟынӡа бжьаны аҭыхра зылшо аспутник ҿыцқәа "Ресурс-ПМ" ԥшьба акосмос ахь 2022-2025 шықәсақәа рзы рышьҭра, иара убасгьы иазыԥхьагәаҭоуп Адгьыл ҭызҵаауа аспутникқәа "Ресурс-П" ҩба 2020 – 2021 шықәсқәа рзы аорбитахь рынашьҭра. Абри атәы аанацҳауеит РИА Новости "Роскосмос" акосмостә системақәа рнавигациа адепартамент аиҳабы ихаҭыԥуаҩ Валери Заичко иажәақәа ҵааҵӷәыс иганы.
Аспутникқәа "Ресурс-П" ирылшоит акосмос аҿы 400-500 километра ахьыбжьоу иҟоу аобиектқәа рҭыхра.
"Ресурс-П" аԥхьатәи ах-спутник аорбитахь инаган 2013, 2014, 2016 шықәсқәа рзы.
"Ресурс-ПМ" еиҳа амчхара змоу зтехникатә хаҭабзиарагьы ҳараку спутникқәоуп. Дара азырхоуп атапографиатә хсаалақәа рҭыхра, аԥсабара аҟьашьра ахылаԥшра, аекологиатә хылаԥшра, анефҭи агази рыԥшаара.
