Агрба ақалақьқәеи араионқәеи рхадацәа ралхразы: Аҟәатәи ҳҩызцәа раԥшьгамҭа ҳадгылоит

"Гагра араион адепутатцәа ҳҟынӡагьы иааит Аҟәа ақалақь адепутатцәа раԥшьгарақәа. Ҳаизаны ҳрылацәажәеит араионқәеи ақалақьқәеи рҟны ахадацәа ралхра азҵаара, иара убас акоррупциа аҿагыларазы Аконвенциа адкылара азҵаарагьы ҳахәаԥшит. Арҭ азҵаарақәа адгылра раҳҭоит. Ажәалагала ҟаҵатәуп Жәлар реизарахь, аҳәынҭқарра ахада иахь араионқәа рхадацәа ралхра азҵааразы аиҭакрақәа ҟаҵатәуп. Урҭ аиҭакрақәа аҭахуп аҭыԥантәи амчрақәа рҿы аусуразы. Иахьа аамҭа ааит аиҭакрақәа рымҩаԥгаразы, ҳадгылоит Аҟәа ҳҩызцәа иҟарҵаз ажәалагала, анаҩс ҳаԥхьаҟа иалҵуа ҳбап",- иҳәеит Агрба.