Ҷыҭанаа еиҭеиҳәеит Ешыра ауаа ӡыла реиқәыршәаразы аусура шцо
"Иааизакны иугозар аа-километрак рҟынӡа инаӡоит иҳаԥсахуа аӡымҩангагақәа. Ажәытәқәа 60 шықәса инарзынаԥшуа ирхыҵуеит, аӡы рацәаны иаҳцәыӡуан. Аԥхынра ауаа аӡы иазрыцҳан. Уажәы ҳазҿу ацәаҳәа 40 ҭӡы рҟынӡа аҵанакуеит, иҟоуп ашкол, аҩнеихагыла. Ауаажәлар аӡы азы аџьабаа рбон азы аусурақәа хацыркуп. Иааиуа ашықәс азы Аҩадатәи Ешыра аӡыҭгага ақәыргылара азгәаҭоуп ауаа уадаҩра рмоурц. Амшқәа маншәалахар, аа-километрак рҟынӡа аӡымҩангагақәа мызкала иҳаԥсахып ҳәа ҳгәыӷуеит. Аусура хәыҷык иманшәалам, иҟоуп амҩа ахьҭшәоу, абна илсны иахьцо аӡымҩангага. Аамҭа шаҟа аҭаххо аҳәара уадаҩуп", —ҳәа азгәеиҭеит Ҷыҭанаа.
Аиҿцәажәара инарҭбаан шәазыӡырҩыр ҟалоит арадио Sputnik Аԥсны ишиашоу ицо аефир аҟны, асааҭ 18:00 рзы.
