АҞӘА, абҵара 22— Sputnik. Ҟрым арратә ҳаиртә баӷәаза Бельбек аргылара актәи ахәҭа хдыркәшеит, актәи аҳаирплан тәеит ашьҭыԥраара-тәарҭатә цәаҳәаҿы ҳәа аанацҳауеит РИА Новости.
"Урыстәыла Атәылахьчара аминистрра арра-ргыларатә комплекс аҟазауаа ихдыркәшеит 3450 метра иҟоу ашьҭыԥраара-тәарҭатә цәаҳәа", — ҳәа аҳәоит адырраҭараҿы.
Иазгәаҭоуп аусурақәа ишазыԥхьагәаҭаз аасҭа зааны ишрылгаз. Ацәаҳәа ҿыц иалшоит иахьазы ахархәара змоу аҳаирпланқәа иарбанызаалак рыхкы адкылара ҳәа.
"Иахьа, актәи аҳаирплан – Ан-148 тәеит ашьҭыԥраара-тәарҭатә цәаҳәаҿы", - ҳәа аҳәоит адырраҭараҿы.
Аҳаиртә баӷәаза Амшын еиқәа аԥшаҳәа 400 метра иацәыхараны иҟоуп.
