Гәынба дырзааҭгылеит араионқәа рҟны сынтәа имҩаԥыргаз акультуратә проектқәа
"Апроектқәа руак ала сынтәа ақыҭақәа ҳарҭааны аԥсуа фильмқәа дҳарбеит. Уи аҟара ҳақәгәыӷуамызт, аха ажәлар ибзианы ирыдыркылеит. Имаҷымкәа ахәаԥшыҩцәа ҳаман ҳәа сгәы иаанагоит. Иааиуа ашықәс азы ари проект иацҵахоит.
Аҩбатәи апроект иаҵанакуан ҳтәыла аҩныҵаҟа арҿиаратә коллективқәа рықәгыларақәа. Хәынҵариа ихьӡ зху Жәлар ринструментқәа рыла ишьақәгылоу аоркестр сынтәа раԥхьаӡа акәны ари апроект иалаҳгалеит. Иубарҭоуп ақәгыларақәа ажәлар шаднаԥхьало, еиҳарак аҿарацәа. Амза хԥа рзы сынтәала ари апроект хҳаркәшоит Пицунда имҩаԥгахо аконцерт ала. Арҭ апроектқәа ахәшьара бзиа рыуҭартә иҟоуп ҳәа сгәы иаанагоит", — иҳәеит Гәынба.
Аиҿцәажәара шәаҳар шәылшоит арадио Sputnik Аԥсны аефир аҟны.
