Афестиваль "Сoncerto grosso" мҩаԥысит Аҟәа

© SputnikАфестиваль "Сoncerto grosso" мҩаԥысит Аҟәа
Афестиваль Сoncerto grosso мҩаԥысит Аҟәа - Sputnik Аҧсны
Анапаҵаҩра
Yandex newsTelegram
Аклассикатә музыка афестиваль "Сoncerto grosso" мҩаԥысит ԥхынҷкәын 2 рзы.

Сариа Кәарацхьелиаԥҳа, Sputnik

Аклассикатә музыка афестиваль "Сoncerto grosso" мҩаԥысит ԥхынҷкәын 2 рзы, Аҟәа. Аԥснытәи аҳәынҭқарратә филармониа азал ҭәын, тәарҭак ҭацәны иубомызт. Аклассикатә музыка шамахамзар ас ажәлар еизнагаӡом, аха афестиваль "Сoncerto gross" ибзианы ирдыруеит заҟа гәахәара роуа арахь иааир.

© SputnikФестиваль классической музыки "Сoncerto grosso"
Афестиваль Сoncerto grosso мҩаԥысит Аҟәа - Sputnik Аҧсны
Фестиваль классической музыки "Сoncerto grosso"

Ишеилкаахаз ала "Сoncerto grosso" адуцәа реиԥш ахәыҷқәагьы бзиа ирбахьеит.

Ахәаԥшҩы қәыԥш Ева-Мариа афестиваль "Сoncerto grosso" ахь уаанӡагьы дааиқәахьан. Лара лхаҭагьы амузыка лнапы алакуп.

© SputnikФестиваль классической музыки "Сoncerto grosso"
Афестиваль Сoncerto grosso мҩаԥысит Аҟәа - Sputnik Аҧсны
Фестиваль классической музыки "Сoncerto grosso"

Афестиваль азыӡырыҩцәа ирыднагалоит адунеитә классика амузыка: Бах, Бетховен, Моцарт, Шостакович, Мендельсон рфортопианатә концертқәа.

Сынтәа "Сoncerto grosso" 12-ҩык рҟынӡа амузыкантцәа аднагалеит. Дара зегьы еиуеиԥшым амузыкатә конкурсқәа ирлауреатцәоуп.

"Насыԥ ҳаман ҳхы аабоит афестиваль қәҿиарала иахьымҩаԥысыз", – лҳәоит аконцерт ашьҭахь апроект "Сoncerto grosso" анапхгаҩы Нинель Бжьаниаԥҳа.

Нинель Бжьаниаԥҳа иазгәалҭеит IX афестиваль "Сoncerto grosso" ауаа рацәа шаҭааз. Нинель Бжьаниаԥҳа агәрагара лымоуп аклассикатә музыка абзиабара аҿар еиҳа-еиҳа ишрылаҵәо.

Афестиваль "Сoncerto grosso" шьаҭанаркит Аҟәатәи амузыкатә ҵараиурҭа.

 

Ажәабжьқәа зегьы
0