АҞӘА, ԥхынҷкәын 5 — Sputnik. Венесуелатәи адепутат Хуан Рекесенс 30 шықәса ҭакрыла иԥсҭазаара ахгара иқәшәар ҟалоит. Иара ихарарҵоит ацәгьоурақәа фба, атәыла ахада Николас Мадуро ишьразы аҽазышәара инадҳәаланы. Абри атәы аанацҳауеит РИА Новости, адепутат идукат Хоель Гарсиа иажәақәа ҵаҵӷәыс иганы.
"Рекесенс хараны идырҵоит: атәыла ахада ишьразы аҽазышәара, уа иҟаз аррамаҵзурауаа рышьра, аԥсадгьыл аԥсахра, атерроризм, изакәанымкәа абџьар аныҟәгареи ахархәареи", — иҳәеит Гарсиа.
Рекесенс иусӡбара мҩаԥгахараны иҟоуп ԥхынҷкәын 18 рзы.
Николас Мадуро иҭархаразы аҽазышәара мҩаԥган Каракас, нанҳәа 4 рзы.
Мадуро иҟалаз азы ахара рыдиҵеит Колумбиа уаанӡатәи апрезидент Хуан Мануель Сантос, аоппозициа аԥхьагылаҩцәа руаӡәк Хулио Борхес, апарламент адепутат Хуан Рекесенс.
Иахьатәи аамҭазы 14-ҩык аанкылоуп. 20-ҩык рҟынӡа агәҩара ззыҟоу макьаназ Еиду аштатқәеи Колумбиеи рҵакырадгьылқәа рҟны рҽыҵәахны иҟоуп.
Нанҳәа 13 рзы аӡбарҭахь инаган аинрал Алехандро Переси аполковник Педро Замбранои.
