АҞӘА, ԥхынҷкәын 7– Sputnik, Асмаҭ Ҵәыџьԥҳа. Аҟәа ақалақь Алашарбагеи Депои араионқәа рҿи Шотландскаиа амҩеи ауааԥсыра ӡыда иҟоуп аӡыҭгагатә станциа № 2 аҿы авариа ахьыҟалаз иахҟьаны ҳәа Sputnik иазаанацҳаит "Аӡыканал".
"Аӡыҭгагатә станциа №2, Ешыра аладатәи акалҭ аҿы иҟоу, аусура афымцамч азхом. Иацижьҭеи аремонттә усурақәа ирҿуп. Иахьазы аусурақәа хҳаркәшап ҳәа ҳгәыӷуеит", - рҳәеит "Аӡыканал" адиспетчертә хәҭаҿы.
Ахаша, ԥхынҷкәын 5 раахыс Аҟәа ақалақь ахәҭак ӡыда иҟоуп аӡыҭгагатә станциаҿ авариа ахьыҟалаз иахҟьаны.
