"Аиқәшаҳаҭрақәа акы ҳҳәынҭқаррақәа реиҩызареи русеицуреи ирызкуп, аҩбатәи аекономикатә хырхарҭаҟны Аԥсныи Шьамтәылеи реиҳабырақәа русеицура иадҳәалоуп. Аԥсны Жәлар реизара адепутатцәа аиқәшаҳаҭрақәа ҭырҵааит, аилатәараҟны гәахәарыла ирыдыркылеит. Ԥхьаҟатәи ҳус мҩақәызҵо еиқәшаҳаҭрақәоуп", - ҳәа азгәеиҭеит Кәарҷиа.
Аԥсныи Шьамтәылеи рыбжьара аиҩызареи аусеицуреи рзы аиқәшаҳаҭра аԥшьашаҽны Жәлар реизараҟны амч арҭеит. Аиқәшаҳаҭра жәашықәса ҽҳәарас иамоуп, иара убас даҽа хәышықәса иаразнак иацҵахар алшоит. Убасгьы аҩ-ҳәынҭқаррак реиҳабырақәа русеицуразы аиқәшаҳаҭра амч аҭан.
Аиҩызареи аусеицуреи рзы аиқәшаҳаҭра Шьамтәылатәи апарламент аҟны амч аҭан ҳазҭоу ашықәс жьҭаара 11рзы.
Инеиҵыху аицәажәара шәазыӡырҩыр шәылшоит арадио Sputnik Аԥсны аефир аҿы.
