"Агәыԥқәа ԥыҭк ҳамоуп, аха асахьаҭыхратә аԥхьа игылоуп. Сҩызцәа асахьаҭыхыҩцәа ауниверситет арҵаҩцәа ацентр аҟынгьы аус руеит. Асахьаҭыхрахь иадҳәалоу ҳпа-ԥшьба хкы агәыԥқәа ҳамоуп уҳәар ауеит. Иҳазнеиуа ахәыҷқәа раԥхьатәи ашьаҿақәа ҟазҵо роуп, иаҳа профессионалла иҵаулоу аҟазара азнеишьақәа дҳарбоит. Акәша-мыкәша иҟоу аҭагылазаашьагьы ахәыҷы даннеиуа, лакәк ибошәа дҟалоит. Ахәыҷқәа еиуеиԥшым агәыԥқәа рыла еихшаны иҳамоуп. Ахәыҷӡақәа даҽа бызшәак ала ҳрацәажәоит, еиҳараӡак зхы иақәиҭу асахьаҭыхра рыдаагалоит. Дара ишырҭаху шәыгала аус руеит, бжеиҳан иалахәмаруеит, аха реиҳараҩык рҭыхымҭақәа анаҩс иааџьоушьартәгьы иҟалалоит. Ахәыҷы адунеи даҽа блак ала ибоит, иара иҭихыз ҭысхуеит ҳәа салагаргьы исызҭыхуам", -ҳәа азгәеиҭеит Ратиа.
Ԥхынҷкәын ааба асахьаҭыхыҩцәа Жәларбжьаратәи рымш ауп.
Инеиҵыху аицәажәара шәазыӡырҩыр шәылшоит арадио Sputnik Аԥсны аефир аҿы.
