Микрофон  - Sputnik Аҧсны
Арадио

Какоба адипломқәа разхаҵара азҵааразы: даара ҳзыргәырӷьо усуп

© Sputnik / Томас ТхайцукАдгур Какоба
Адгур Какоба - Sputnik Аҧсны
Анапаҵаҩра
Аԥсны аҵареи аҭҵаарадырреи рминистр Адгәыр Какоба арадио Sputnik аҟны иреиҳаӡоу аҵараиурҭақәа рдипломқәа Аԥсныи Урыстәылеи наҟ-ааҟ разхаҵара атәы далацәажәеит.
Какоба адипломқәа разхаҵара азҵааразы: даара ҳзыргәырӷьо усуп

"Ҳара агәра шаҳдырго ала, иааиуа аҵарашықәс аҟынӡа аиқәшаҳаҭра амч аманы иҟалоит. Ари даара ҳзыргәырӷьо усуп, избанзар иахьа уажәраанӡа аҵара аҩаӡара шьақәзырӷәӷәоз ақьаадқәа, аттестатқәа, еиуеиԥшым аҵаратә усҳәарҭақәа рдипломқәа анострификациа иахымскәа ирыдыркыломызт,  рыгәра ргомызт. Абри ашәҟәы аҵыхәтәаны Урыстәыла аҳәынҭқарра ахада инапы анаҵаиҩлак амч аиуеит. Ҳаушьҭымҭацәа аҵара ианҭало уиаҟара аџьабаа дмырбаӡакәа ҳқьаадқәа, ҳаршаҳаҭгақәа зегьы рыгәра рго иҟалоит. Сынтәатәи аҵарашықәс аан имаҷымкәа ҳҵаҩцәа, ҳаушьҭымҭацәа Урыстәыла ианҭалоз даара ауадаҩрақәа рхыргеит, аамҭала мызкы-ҩымз рҟынӡа иадхалон ашәҟәқәа рыршаҳаҭра. Урҭ азҵаарақәа аӡбоит ҳәа ҳгәы иаанагоит наҟ-ааҟ аҵара зыршаҳаҭуа ашәҟәы", — ҳәа азгәеиҭеит Какоба.

Ари амчыбжь азы Урыстәыла Аҳәынҭқарратә Дума аҟны аратификациа азун Аԥсныи Урыстәылеи рыбжьара аҵареи аквалификациеи разхаҵаразы аҩ-ҳәынҭқаррак реиҳабырақәа реиқәшаҳаҭра.

Ажәабжьқәа зегьы
0