Афинатәи азоопарк аҿы зыҭра иҭыҵыз аиагуарқәа ҩба ршьит

CC0 / / Ягуары в зоопарке
Ягуары в зоопарке - Sputnik Аҧсны
Анапаҵаҩра
НовостиTelegram
Уаанӡатәи адыррақәа рыла азоопарк Аттика ахьчаҩцәа зыҭра иҭыҵыз аиагуарқәа ҩба ршьит. Аиагуарқәа ахьҭакыз иҭыҵит азоопарк аҿы аҭааҩцәа аныҟаз.

АҞӘА, ԥхынҷкәын 17 — Sputnik. Афинтәи азоопарк аҿы аиагуарқәа ҩба рыҭра иҭыҵит ҳәа ааицҳаит азоологиатә парк аԥшәма Жан Жак Лесуер, ҳәа аҳәоит РИА Новости, аҭыжьымҭа News24/7 адыррақәа ҵаҵӷәыс иганы.

"Ҳара антилопақәа Кипрҟа иҳашьҭырц рырхиара ҳаҿын. Руак ҳацәцеит. Иҩны ишнеиуаз аиагуарқәа рыҭра иакәыршаз асаркьа иаахеит. Антилопа ҳкит, аха асаркьа ишәарҭаз ааха шаиуз гәаҳамҭаӡеит. Уантәи ауп аиагуарқәагьы ахьҭыҵыз", — ҳәа еиҭеиҳәоит Лесуер.

Иҟалаз збаз ахылаԥшҩы ииаразнакы адырра ҟаиҵеит.

"Адырра шҳаузҵәҟьа аҭааҩцәа, урҭ 30-ҩык рҟынӡа ыҟан, иахьшәарҭамыз аҭыԥ ахь инаагеит", — ҳәа иҳәоит апарк аԥшәма.

Уи ашьҭахь аветеринари апарк аусзуҩцәеи аиагуарқәа раанкылара рҽазыршәеит ҳәа еиҭеиҳәоит иара.

"Иаҳзаанымкылеит. Убри азы ишьтәхеит џьара машәырк ҟамларц азы. Уи ҳара ҳзы имариамызт, аха ада ԥсыхәа ыҟамызт", — ҳәа иҳәоит иара.

Аттикатәи азоологиатә парк — Афины амҵантәи аҭыԥ Спата иҟоу хатә зоопаркуп, ахышәа-ҵышәа 20 гектар иҟоуп, 2 нызқь рҟынӡа ԥстәи ԥсаатәи ҭоуп. Аус ауеит адельфинари.

Ажәабжьқәа зегьы
0