АҞӘА, ԥхынҷкәын 17 — Sputnik. Донецктәи жәлар рреспублика жәлар рмилициа Аусбарҭа апресс-маҵзура аиҳабы Даниил Безсонов ажурналистцәа ирзеиҭеиҳәеит Украина арратә мчрақәа Донецктәи аобласт ахь ишиаргаз Су-25 аҳаирпланқәа ԥшьба. Абри атәы аанацҳаит РИА Новости.
"Ҳаԥшыхәцәа ишшьақәдыргылеит аҳаиртә баӷәаза Мелитополь аҟынтәи аҳаиртә баӷәаза Бердианск ахь Су-25 аҳаирпланқәа ԥшьба шиаргаз. Урҭ ахархәара рыҭахар ҟалоит ҳәа агәаанагара ҳамоуп", – иҳәеит Безсонов.
Уи адагьы Украина Донбассҟа иианагеит 60 цыра атанкқәеи БМП-қәеи, иҳәоит Безсонов.
"Хырыҩ амҭара иашам Горловкатәи ахырхарҭаҿ аӷа имчқәа ахьеизикуа. Аҵыхәтәантәи аҩымш рыла аихамҩатә станциа Константиновка ахь инеиит 93-тәи амеханизациатә бригада аруааи атехникеи", — ҳәа азгәеиҭоит Безсонов.
2014 шықәса зхы ахьыԥшымра рылазҳәаз Донецки Лугански рганахь ала Украина арратә операциа иалагеит. ООН аҵыхәтәантәи адыррақәа рыла, аимак иахҟьаны иҭахахьеит жәа-нызқьҩык инареиҳаны.
Аимак аҭышәныртәалара иалацәажәан Минск. Аинырратә гәыԥ иаднакылаз адокументқәа хырыҩ рзуны аимак аганқәа иахьагьы ишеиҿагылац еиҿагылоуп.
