АҞӘА, ԥхынҷкәын 19— Sputnik. Азинмчратә органқәа русзуҩцәа рганахь ирханы ахысра иалагаз, Урыстәыла ззин ыҟам атеррористтә гәыԥ "Исламское государство"* алахәылацәа ндырҵәеит Ставрополь, абри атәы аанацҳауеит РИА Новости.
"Урыстәыла ззин ыҟам атеррористтә гәыԥ "Исламское государство"* алахәылацәа ргәыԥ азинмчратә органқәа русзуҩцәа рганахь ирханы ахысра иалагеит. Ахысра аҭак ҟаҵан. Дара зегьы нырҵәан. Ашәарҭадаратә маҵзура аусзуҩцәа рҟынтәи ааха змоу аӡәгьы дыҟам", - ҳәа аҳәоит адырраҭараҿы.
Атеракт аиҿкаареи, атеррористтә еиҿкаара аԥҵареи, абџьар аныҟәгареи ахархәареи рганахь ала ауҭҵаара напаркуп.
Аҵыхәтәантәи ашықәс аҩныҵҟа АШәМ аусзуҩцәа ҩеижәа инарыцны атерактқәа аԥдырҟәҟәаахьеит.
Убас, абҵарамзазы иаанкылан аиҿкаараз аԥареизгара иаҿыз агәыԥ, жьҭаарамзазы Ҭаҭарсҭан иаанкылан аиҿкаара иадҳәалаз агәыԥ.
