Џьибути даанкылоуп Charlie Hebdo ақәлара аспонсарс иҟаз

© flickr.com / Valentina CalàУчастники митинга в память о 12-ти погибших в результате теракта в редакции сатирической газеты Charlie Hebdo.
Участники митинга в память о 12-ти погибших в результате теракта в редакции сатирической газеты Charlie Hebdo. - Sputnik Аҧсны
Анапаҵаҩра
НовостиTelegram
Аинформациатә хархәагақәа иҟарҵо адыррақәа рыла, Париж ақалақь ауаҩԥсы аџьихадцәа ргәыԥ Buttes-Chaumont далахәылан.

АҞӘА, ԥхынҷкәын 21 — Sputnik. Ԥшьышықәса раԥхьа ажурнал Charlie Hebdo аредакциа иақәлаз аишьцәа Куаши ирҩызыз аекстремист Џьибути даанкылоуп. Иара иаарласны Франциаҟа дааргоит ҳәа аанацҳауеит РИА Новости, агазеҭ Figaro адыррақәа ҵаҵӷәыс иганы.

36 шықәса зхыҵуа аекстремист Петер Шериф, Абу Хамза ҳәа еиҳа еицырдыруа, ԥхынҷкәын 16 рзы Џьибути даанкылоуп. Иара иаарласны Франциаҟа дааргоит.

Америка Ирак ианақәла ашьҭахь Шериф атеррористтә еиҿкаара "Аль-Каида" далалоит. 2004 шықәса, ԥхынҷкәынмзазы Шериф америкатәи аруаа ақалақь Фаллуджа дрыҭҟәеит.

2006 шықәса рзы Петер Шериф 15 шықәса иқәҵаны дҭаркит, аха 2007 шықәса рзы Мосултәи абахҭаҟынтә дыбналеит. Уи ашьҭахь Шериф деибашьуан Иемен. Иара ажурнал Charlie Hebdo аредакциа ақәлара спонсарс даман ҳәа агәызҩара ыҟоуп.

Ажьырныҳәа 7, 2015шықәса рзы ажурнал аредакциа ианақәлаз ишьын 12-ҩык ауааԥсыра. Ажәылара иалахәны ишьаз аишьцәа Шерифи Саиди Куаши ҭархан.

Ажәабжьқәа зегьы
0