АҞӘА, ԥхынҷкәын 24 – Sputnik. Аԥсны ахада Москва аусуратә еиҧыларақəа жəпакы мҩаҧигеит, иара убас, К.С. Станиславкии В.И. Немирович-Данченкои рыхьӡ зху Москватəи академиатə Амузыкатə театр анапхгара иҟанаҵаз ааҧхьарала Амузыкатə театр 100 шықәса ахыҵра иазку аныҳəатə усмҩаҧгатə даҭааит. Агəырҕьаратə усмҩаҧгатə далахəын Аҧсныи Урыстәылеи Жəлар рартист, "Ахьӡ-Аҧша" аорден актəи аҩаӡара занашьоу Хьыбла Гьерзмааԥҳа.
Рауль Ҳаџьымба аиубилеи идиныҳәалеит Москватәи амузыкатә театр адиректор хада Антон Гетьман.
"Ҳара ҳалаҽхәоит Москватәи атеатр аҿы аус ахьылуа иналукааша аоператә шәаҳәаҩы, Аҧсныи Урыстәылеи Жəлар рартист, "Ахьӡ-Аҧша" аорден актəи аҩаӡара занашьоу Хьыбла Гьерзмааԥҳа. Аброуп иахьхацлыркыз адунеитә сценахь лымҩа ҭбаа" —ҳәа аҳәоит адныҳәалараҿ.
Иара убасгьы иазгәаҭан атеатр аколлектив адунеитә тетртә ҟазара иахьыршәыгәны ишыҟоу.
