АҞӘА, ԥхынҷкәын 25 - Sputnik, Бадри Есиава. Аԥсны апрокуратура аусураҭҵаара нап анаркит Ҷлоу ақыҭа ӡыла аиқәыршәаразы имҩаԥысуа аусурақәа рцашьазы ҳәа иҳәеит Аԥсны ахада Рауль Ҳаџьымба апресс-конференциаҿы.
"Арҭ аремонттә усурақәа рынагӡаразы ахыҵхырҭацҵақәа рзыԥшаатәуп. Арҭ аусурақәа ииашаны иахьынӡамҩаԥгаз атәы аилкааразы апрокуратура аусура хацнаркт. Имҩаԥгоуп аекспертиза. Уи аҭакқәа угәы ҟарҵартә иҟам", - иҳәеит иара.
Аинвестпрограмма аҳәаақәа ирҭагӡаны Аԥсны зеиҭашьақәыргылара иаҿу егьырҭ аобиектқәа рыҿҳәара иаԥыганы аус рыдырулоит ҳәа иҳәеит иара.
Ахада иазгәеиҭеит ԥхьаҟазы аинвистициатә программа еиҿкаахоит Аԥсны азыҳәа ззыҟанаҵо ахырхарҭақәа рыла ҳәа. Апроект хадақәа ракәны ишьахоит амҩатә инфраструктура, аенергетика аусхк, асоциалтә обиектқәа.
