АҞӘА, ԥхынҷкәын 26 - Sputnik. Шьамтәылатәи ПВО Дамаск иақәкыз аракетатә жәылара аԥдырҟәҟәааит ҳәа аанацҳаит РИА Новости.
Ателеканал Ikhbariya иазгәанаҭом ажәылара иаҵанакыз аҭыԥқәа. Ателеканал имҩаԥнагеит ажәылараз ишиашоу ицо аефир.
Иара убри аамҭаз РИА Новости акорреспондент идыррақәа рыла ақалақь Дамаск аԥжәарақәа аҭыԥ рыман.
Аамҭақәак рышьҭахь ливантәи амилаҭтә маҵзура NNA адырра ҟанаҵеит израильтәи аҳаирпланқәа Ливан аладатәи аҳауатә ҵакыра шеиларгаз.
"Израиль арратә ҳаирпланқәа иахьа, асааҭ 22:00 жрзы жәа-минуҭк рыҩныҵҟа илаҟәны атәыла аҵакыра иахаԥраауан. Израилтәи аҳаирпланқәа амшын аганахь ала ақалақьқәа Тири Саидеи ирылахысуан", - ҳәа аанацҳауеит NNA.
Абри ашьҭахь Шьамтәылатәи АИХ аҳәамҭа ҟарҵеит Израиль ливантәи аҳаиртә ҵакыра ахы ианархәеит ҳәа.
