Индонезиатәи авулкан Анак-Кракатау аҳаракыра иагхеит

© REUTERS / Kim Kyung-Hoon Вулкан Анак-Кракатау в Индийском океане
Вулкан Анак-Кракатау в Индийском океане - Sputnik Аҧсны
Анапаҵаҩра
Yandex newsTelegram
Индонезиа заанаҵ амшын аҵаҿы авулканқәа рыԥжәареи адгьылҳәазарақәеи ирхырҟьаны иҟалар зылшо цунами азы заатәи адырраҟаҵаразы ахархәагақәа амам.

АҞӘА, ԥхынҷкәын 29 — Sputnik. Индонезиатәи авулкан Анак-Кракатау аҳаракыра иагхеит абжараҟынӡа ииасыз амчыбжь азы иакымкәа иҩбамкәа аԥжәара аныҟала ашьҭахь ҳәа аанацҳауеит РИА Новости, агазеҭ Jakarta Post адыррақәа ҵаҵӷәыс иганы.

Уаанӡа ашьха аҳаракыра 338 метра иҟан, уажәы – 110 метра аанхеит.

"Авулкан иахьатәи аҩаӡара аҟазшьала шәарҭара дук аҵам цунами ҟаларцаз", — ҳәа иҳәеит аԥсабаратә рыцҳарақәа реиҵатәразы Ацентр ахаҭаранак Антониус Ратдомопурбо.

Авулканеологиатәии агеологиатәии Центр адыррақәа рыла, авулкан ахышәа-ҵышәагьы еиҵахеит: 150-180 миллион кубометра аҟынтәи 40-70 миллион кубометра аҟынӡа, ԥхынҷкәын 24 инаркны 27 рҟынӡа имҩаԥысуаз аԥжәарақәа раан.

Ииасыз асабшазы Индонезиатәи аԥшаҳәа цунами ахысит. Аокен иаԥну апровинциақәа Лампунги Бантени рҟны иҭахеит 429-ҩык ауааԥсыра, хабарда ибжьаӡит 150-ҩык.

Ажәабжьқәа зегьы
0