АҞӘА, ажьырныҳәа 10— Sputnik. СССР Иреиҳаӡоу Асовет аҵыхәтәантәи ахантәаҩы Анатоли Лукианов иԥсҭазаара далҵит ажьырныҳәа 9 рзы, 89 шықәса дшырҭагылаз ҳәа ааицҳаит Смоленсктәи аобласт агубернатор Алексеи Островски.
"Иахьа иԥсҭазаара далҵит ҳџьынџьуаҩ, ауаҩы хазына, СССР Иреиҳаӡоу Асовет аҵыхәтәантәи ахантәаҩы Анатоли Лукианов. Анатоли Иван-иԥа губернаторс салхраан сыхьӡала аҭакзыԥхықәу хаҿны дықәгылан. Уи сара сзы акыр иҳаҭырын", — ҳәа иҩуеит Островски твиттер аҿы.
Анатоли Лукианов анышә дамардоит Троекуровтәи аԥсыжырҭаҿы, Москва. Абри атәы РИА Новостииазааицҳаит КПРФ ахада Геннади Зиуганов.
Анатоли Лукианов диит 1930 шықәса рзы Смоленск. 13 шықәса анихыҵуаз аусура далагеит азауад аҿы. Ашкол далгеит 1948 шықәса рзы, 1953 шықәса рзы МГУ азиндырратә факультет далгеит.
1956 шықәса инаркны аус иуан СССР Аминистрцәа реилазаараҿы. 1961 шықәса инаркны —СССР Иреиҳаӡоу Асовет аҿы. 1976-1977шш. рзы СССР Аконституциа апроект аус адиулон. 1979 шықәсазы ихьчеит адоктортә диссертациа.
1977 —1983 шш. рзы Анатоли Лукианов СССР Иреиҳаӡоу Асовет Апрезидиум данапхгаҩын.
1991 шықәса рзы иҽалаирхәит ГКЧП аусура.
1993 шықәса рзы Лукианов Аҳәынҭқарратә Дума адепутатс далхын. 1994 – 2000шш. рзы ЦК КПРФ апрезидиум аилазаара далахәылан.
