Аԥсныи Урыстәылеи рмузеиқәа рыбжьара аиқәшаҳаҭра анапы аҵаҩуп

Анапаҵаҩра
НовостиTelegram
Аԥсны Ахьӡ-аԥша амузеи алахәхеит Аҩбатәи адунеизегьтәи еибашьра аҭоурых жәларбжьаратәи аилак. Аилак иалахәуп Европа атәылақәа, Урыстәыла, Америка, Бразилиа.

АҞӘА, ажьырныҳәа 16 – Sputnik, Сариа Кәарацхьелиаԥҳа. Аԥсны Ахьӡ-аԥша амузеии Аџьынџьтәылатә еибашьра Ацентртә музеи рнапы аҵарҩит аусеицуразы аиқәшаҳаҭра. Абри атәы Sputnik иазеиҭеиҳәеит Владислав Арӡынба ихьӡ зху Ахьӡ-аԥша амузеи адиректор ихаҭыԥуаҩ Николаи Медвенски.

"Сара 2018 шықәса, абҵарамзазы анаука-практикатә конференциа "Судьба солдата" салахәын. Убра ҳаибадырит Аџьынџьтәылатә еибашьра Ацентртә музеи ахаҭарнаки сареи. Ҳаибадырра иахылҿиааит "Аԥсны Ахьӡ-аԥша амузеи Аҩбатәи адунеизегьтәи еибашьра аҭоурых жәларбжьаратәи аилак алахәхаразы" Амеморандуми аусеицураз аиқәшаҳаҭреи анапрыҵаҩра азырхиара", - ҳәа еиҭеиҳәоит Медвенски.

Иара иажәақәа рыла аиқәшаҳаҭра иалнаршоит Ахьӡ-аԥша амузеи еиҳа инарҭбааны аҭҵаарадырратәи, аинформациатәи, аҵарадырратәи, ацәыргақәҵатәи усура мҩаԥнагаларц. Иаанартуеит архивтә документқәа рахь амҩа.

"Сара сгәаанагарала иарбанызаалак аиқәшаҳаҭра анагӡарала ихарҭәаазароуп. Ҳара убри аганахь ала ҳусурақәа ирыцаҳҵалоит", - ҳәа иҳәоит Медвенски.

Аџьынџьтәылатә еибашьра Ацентртә музеи аартын Москва, 1995 шықәса рзы.

Ажәабжьқәа зегьы
0