АҞӘА, ажьырныҳәа 16 – Sputnik, Викториа Аҩӡыԥҳа. Аԥснытәи аспортсмен Сергеи Саркисиан абокс азы Краснодартәи атәылаҿацә аҿы аиндаҭлараҿ ахьтәы медал ианашьахеит ҳәа Sputnik иазеиҭеиҳәеит абоксиор иазыҟаҵаҩ Едуард Депелиан.
Абоксиор 2003-2004 шықәса рзы ииз иҩызцәа дрындаҭлон. Азыҟаҵаҩ иажәақәа рыла Сергеи Саркисиан аиндаҭлараҿы ԥшьынтәны дықәгылеит, зныкгьы аӡәгьы диҵамхеит.
"Ақәгыларақәа рыԥшьбагьы имариаз ракәмызт аха аиааира ҳара иаагеит", - иҳәеит азыҟаҵаҩ.
Аиндаҭлараҿ аспортсмен иоуз аиааира иалнаршоит абокс азы Урыстәыла ачемпионат алахәхара.
"Сергеи – Аԥснытәи жәларбжьаратәи аиндаҭларақәеи рҟны изныкымкәа аԥыжәара иоухьеит. Иара зхықәкы анагӡара зҽазызшәо рԥысуп. Ҳаԥхьаҟа ҳзықәгәырӷьо спортсмены дҟалап ҳәа агәра згоит", - ҳәа иҳәеит азыҟаҵаҩ.
Уажәы иара иҽазыҟаиҵоит ажьырныҳәа 27 инаркны жәабран 3 рҟынӡа Анапа имҩаԥысраны иҟоу Аладатәи афедералтә округ аиндаҭлара.
