"Атехника аганахьала аиҵахарақәа ыҟоуп. Иаҳҭахуп аамҭа иақәшәо арентген азы амаруга, акомпиутертә томограф, аҳауа назышьҭо аппарат. Ахәыҷтәы хәышәтәырҭа иаанхаз аихагылақәа аиҭашьықәыргылара рҭахуп. Сынтәатәи ашықәс агәыӷра дуқәа адаҳҳәалоит, иалшар. Амедеиҳәшьцәа рыла ҳаиқәшәоуп, аха иҟоуп азанааҭқәа аҳақьымцәа ахьҳагу: аллерголог, аендокринолог реиԥш иҟоу. Аибашьра еилгеижьҭеи 25 шықәса ҵуеит ахәыҷтәы реанимотолог ҳәа Аԥсны иҳамоу аӡә иоуп. Ахәыҷтәы чымазарақәа рганахьала аҵара ицо маҷуп. Сгәаанаграла аҭакԥхықәра ахьырацәоу акәхап. Ирҭахым ареанимациа аганахьала аусура, анестизиа аҟаҵара. Изныкымкәа азҵаара ықәҳаргылахьеит хьыӡҳәалатәи алимит рыҭаны уи аганхьала аҵара ирышьҭларц, аха макьана ҳахьыҟац ҳаҟоуп. Ари иӡбатәу зҵаароуп", - ҳәа азгәеиҭеит Џьопуа.
Инеиҵыху аицәажәара шәазыӡырҩыр шәылшоит арадио Sputnik Аԥсны аефир аҿы.
