АҞӘА, ажьырныҳәа 17 - Sputnik. Ҟрым ахьӡала Аҳәынҭқарратә дума адепутат Андреи Козенко иҳәеит Ҟрым, Донецктәии Лугансктәии ареспубликақәа апарламентбжьаратә еиқәшаҳаҭра напы рыцаҵзыҩуа Урыстәыла раԥхьатәи асубиект акәны ишыҟоу. Абри атәы аанацҳауеит РИА Новости.
"Апарламентбжьаратә еиқәшаҳаҭра - ари раԥхьатәи еиқәшаҳаҭроуп. Ҟрым, Донецктәии Лугансктәии ареспубликақәа апарламентбжьаратә еиқәшаҳаҭра анапы рыцаҵзыҩуа Урыстәыла раԥхьатәи асубиект акәхеит", - ҳәа иҳәоит Козенко.
Адепутат иажәаәқа рыла, анапаҵаҩра мҩаԥысуеит аԥшьашаҽны, ареспубликақәа рофициалтә делегациақәа Ҟрым рыҟазаараан.
Донецктәи Жәлар рреспублика аделегациа иалахәхоит: ареспублика ахада Денис Пушилин, апарламент аиҳабы Владимир Бидевка; Лугансктәи Жәлар рреспублика аделегациа иалахәхоит: ареспублика апарламент ахада Денис Мирошниченко, адәныҟатәи аусқәа рминистр Владислав Деинего.
Иара убасгьы иазыԥхьагәаҭоуп ақалақьқәа Иалтеи Лугански, Керчи Макеевкеи рыбжьара аиашьаратә еизыҟазаашьақәа рзы аиқәшаҳаҭра анапаҵаҩра.
