Микрофон  - Sputnik Аҧсны
Арадио

Ҭыжәба: хышықәса ҵуеит шьҭа Ашықәс Ҿыц анаҩс амандарина ицәгьамкәа иаҳҭиуеижьҭеи

© Foto / из личного архива Генриха ТужбаГенрих Тужба
Генрих Тужба - Sputnik Аҧсны
Анапаҵаҩра
НовостиTelegram
Гал иҟоу ацитрустә нхамҩа аиҳабы Генрих Ҭыжәба арадио Sputnik аефир аҟны еиҭеиҳәеит сынтәатәи рҽаҩра зеиԥшраз, уи аҭиира шалыршахаз.
Ҭыжәба: хышықәса ҵуеит шьҭа Ашықәс Ҿыц анаҩс амандарина цәгьамкәа иаҳҭиуеижьҭеи

"Сынтәа аҽаҩра даара ибзиан, амала амш иҳанамҭеит. Ҩымзи бжаки рыҩныҵаҟа жәамш роуп иахьҿаҳхуаз. Аха урҭ амшқәа ирылагӡаны 90 процент амандарина аҽаҩра ҭаҳгалеит. Амала, сынтәа иџьоушьаратәы амандарина лассы ибаауан, аҵла ишҿазгьы. Уи зхараҳтәуа ҩымз инарыцны ақәа ахьауаз ауп. Ари аҩыза аӡәгьы игәалашәом. Амармалташьтә пты акәзар, уи ҵыԥх иаҳа еиҳан, аха амандарина ас ибаауамызт", - иҳәеит Ҭыжәба.

Иара иҳәеит аахәаҩцәа шрымоу, иаанхаз жәабаҟа процент аҽаҩра амш шроулак ишҿырхуа.

"Хымш-ԥшьымш раԥхьа аҵаа хәыҷык асит, аха ҳахьахәаԥшуа рацәак аԥхасҭа анамҭеит, амандарина ҿыхны иалаҳҵартә иҟоуп. Ҽаҩраҭагалан ахә зынӡа имаҷын ажәлар шәаны ирҭиит. Ашықәс ҿыц анаҩс ирацәан аахәаҩцәа, зықь тонна ҳамазаргьы мышкала иаҳҭиуан, аха иҿыхны иҳамамызт. Ари зыхҟьаз ҳәа иаҳԥхьаӡо Урыстәылаҟа Ҭырқәтәылантәи инарго амандарина нҵәеит. Уажәшьҭа хышықәса ҵуеит Ашықәс ҿыц анаҩс амандарина цәгьамкәа иаҳҭиуеижьҭеи, избанзар Урыстәыла адәқьан дуқәа рахь Ҭырқәтәылантәи амандарина аныҳәанӡа ирызнаргоит, ианырмоулак уаҳа ҳара ҳахь еихоит", - иҳәеит Ҭыжәба.

Инеиҵыху аицәажәара шәазыӡырҩыр шәылшоит арадио Sputnik Аԥсны аефир аҿы.

Ажәабжьқәа зегьы
0